ملتقى أبـــناء حطين
عزيزي الزائر اهلاً بك في ملتقى أبناء حطين


ملتقى ثقافي اجتماعي
 
الرئيسيةالاعلانات التجاالتسجيلدخول
جمانة بوتيك سبورات ستاتي.. جهازات عرائس مخيم حطين السوق الرئيسي لصاحبة اكرم خريس
ارزة الوليد للأنترنت .. اجهزة حديثة ... خدمات مميزة بادارة ابراهيم الأعرج مخيم حطين- باب الحديد
بيع . شراء . تبديل جميع أنواع السيارات الحديثة - طبربور مقابل محطة العيفان - لصاحبها تيسير العجوري ابو عمــاد

شاطر | 
 

 خرافية جبينة والغول

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: خرافية جبينة والغول   28/5/2010, 2:30 am


كلنا بنحن لايام زمان وخراريف زمان


وايام ماكنا صغار ماكنا انام

الا لما يحكولنا اهلنا حدوتة قبل النوم

وان بدي اخرفكو

خرافية جبينة والغول

في يوم من هالايام راح ابو جبينة يحرث الارض طلع من عقاب الليل ...ركب هالحمار وظل يمشي يمشي يمشي لمن انو وصل عند الارض ...وصار يحرث ويحرث

قالت ام جبينة لجبينة يما بدي تروحي تودي لابوكي الاكل ...قالت جبينة طيب يما ... سوي الاكل وانا بوديه ... وسوت امها الاكل وحطته في ال**دية وحطتلها الخبز في الخريطة وقالتلها يلا احمليهن ووديهن لابوكي ...

مشت جبينة مع الطريق وظلت تمشي وتمشي لمن وصلت ابوها لهو لسا قاعد بحرث
حطت الاكل واجا ابوها يوكل وظل يوكل لمن انو شبع ..
قلها يابا روحي هلحين بلاش تتاخري في الطريق الطريق طويلة يا دوب تصلي
قالت جبينة طيب وقامت تروح بس بقت الدنيا متاخره وظلت تمشي تمشي تمشيييييي
لمن انها صارت الدنيا ليل ... وصارت تمشي بسرعه مشان تلحق تروح ... بس مهي تاخرت كثير ..
الا وهو طالعلها الغول ... قلها انتي جبينة ... قالتلو اه انا جبينةوين بدك تروحي ؟؟
على امي على دارنا ..
قلها اركبي على ظهري اوصلكي ..
وركبت على ظهره ..
ولمن انها وصلت الدار قلها نادي على امك
صارت تنادي يما انا على ظهر الغول والغول بدو ياكلني افتحيلي يما
انا على ظهر الغول والغول بدو ياكلني افتحيلي يما
افتحيلي الغول بدو يوكلني
وامها مفتحتش الباب
ظلت تنادي تناديييييييييي ولا امها ردت عليها
المهم نادت على جدتها تفتحلها ومفتحتلهاش
ولا حدا فتحلها الباب
لهو الغول بقلها بدي اوديكي على الطابون
صارت تصيح يما افتحي يا جدي افتحي ولا حدا برد عليها
اخذها على الطابون الغول واكلها
والصبح اجت امها تخبز لقت عظام عند الطابون
صارت تصيح هذول عظام جبينة

يا ويلي الغول اكل جبينة
و توته توته ,, خلصت الحدوته
الرجوع الى أعلى الصفحة اذهب الى الأسفل
 
خرافية جبينة والغول
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى أبـــناء حطين  :: منتدى الترفيه والاستراحة-
انتقل الى: